噴射機未回氣難抗墨城

2020-03-23 10:56:26 来源:网络

澳職早場賽事,紐卡素噴射機於主場迎戰墨爾本城。兩軍啱啱喺上周五出賽,匆匆再戰對體能要求極大,噴射機近況雖然有起色,但實力及板櫈深度唔及墨爾本城,何況近年交手墨城佔上風,射手占美麥卡倫更係噴射機剋星,作客讓平半顯信心,撐墨爾本城上盤。(myTV Gold 302、Now 639、有線655及615周一下午4時30分直播)

噴射機喺射手奧當路雲回巢後,近4場主場取得2勝2和,不過要留意,該4場對手只係墨爾本勝利、中岸水手等弱旅,再者,噴射機班費有限,板櫈深度不足,上周五聯賽剛以0比1不敵布里斯班獅吼,4日內要踢2場比賽,無疑相當輸蝕。現時排第9嘅噴射機今季聯賽6次出戰前4球隊,只錄得1和5負未贏過,今場面對強隊墨城,難免處於下風。

墨爾本城上場4比2反勝中岸水手,顯示強大攻力,近4場聯賽3勝1和,只比榜首FC悉尼少8分,唔係冇得追。墨城今季表現穩定,主帥莫巴迪斯功不可沒,呢名法國教練崇尚進攻,主打433陣式,將三叉戟占美麥卡倫、格力洛尼及新兵馬高蘇沙亞達威力盡情釋放,就算防線未算穩健,但呢種以攻代守嘅戰術,實夠令對手後防頭痛。

占美麥卡倫噴射機尅星
墨爾本城一向食住噴射機,雙方近6次對碰,墨城一面倒佔優,取得5勝1負佳績,其中4次保持不失球,包括今季兩鬥噴射機全勝,明顯係格食格。墨城王牌射手占美麥卡倫更係噴射機剋星,喺近3次交手都有波入,兼有1次助攻,就算今場作客,面對私房菜又係開餐之時。

5043跑狗网论坛